TRENDING: Alisson Becker - Complete Analysis

Bu maqolaning betarafligi shubha ostidadir. Batafsilroq maʼlumot uchun maqola munozarasiga qarang.

Bu maqola oʻzbek tilining imlo qoidalariga muvofiq yozilmagan. Qarang: VP:ORFO. Iltimos, bu sahifani tekshirib, undagi xatolarni oʻnglang.

Alisson Becker

Becker 2018-yilda Brazilya terma jamoasi safida
Shaxsiy maʼlumot
Toʻliq ismi	Alisson Ramsis Becker[1]
Tavallud sanasi	2-oktyabr 1992-yil (1992-10-02) (33 yosh)[2]
Tavallud joyi	Novo Hamburgo, Braziliya
Boʻyi	1.93 m
Ampluasi	Darvozabon
Klub maʼlumoti
Joriy klub	Liverpool
Raqami	1
Yoshligida aʼzo boʻlgan klublar
2002-2013	Internacional
Medallar Men's football  Braziliya vakili Copa América 2019 Ikkinchi 2021

Alisson Becker (1992-yil 2-oktyabrda tugʻilgan) – Alisson Becker yoki oddiygina Alisson nomi bilan tanilgan, braziliyalik professional futbolchi. Premyer-liga klubi „Liverpool“ va Braziliya terma jamoasida darvozabon sifatida oʻynaydi^[3]. Birga-bir vaziyatlarda agressiv harakati va doimo oʻziga boʻlgan ishonchi tufayli u dunyoning eng yaxshi darvozabonlaridan biri hisoblanadi^[4]. U 2016-yil iyul oyida „Roma“ bilan shartnoma imzolagan va 2017-18-yilda A Seriyaning eng yaxshi darvozaboni boʻlgan. 2018-yilning iyul oyida „Liverpool“ Beckerni 66,8 million funt sterling (72,5 million yevro) evaziga sotib oladi va bu uni barcha davrlarning eng qimmat darvozaboniga aylantiradi^[5]. „Liverpool“da Becker Angliya Premiyer-liga, Angliya kubogi, Angliya liga kubogi, UEFA Chempionlar Ligasi va FIFA klublar oʻrtasidagi jahon chempionati sovrindori boʻldi. 2019-yilda u FIFAning eng yaxshi darvozaboni deb topildi va ilk bor Yashin mukofoti sohibi ham boʻldi^[6].

Becker 2015 yilda oʻzining katta xalqaro debyutini oʻtkazgunga qadar Braziliyaning turli yosh toifasidagi jamoalarida mamalakat sharafini himoya qilgan. U 2018 va 2022-yillarda FIFA Jahon chempionatida va 2016, 2019 va 2021-yillarda Copa Amerika da qatnashgan va 2019-yilgi turnirda gʻolib chiqqan va shu bilan birga u eng yaxshi darvozabon nomini ham olgan.

Internacional

Alison dastlab 2002-yilda Novo Hamburgo shahridagi „Internacional“ akademiyasiga qabul qilinadi. U 4 yil davomida muvaffaqiyatli harakat qilgach, 2016-yil Italiyaning Roma klubi bilan shartnoma imzolaydi.

Roma

A.Becker Italiya A seriyasining „Roma“ kulubiga oʻtishini 2016-yil iyul oyida yakunladi. U kulubdagi debyutini shu yilning 17-avgustida UEFA Chempionlar Ligasi „Portu“ga qarshi 1:1 hisobidagi durrang bilan boshlagan. U 2017-2018 yilgi Chempionlar ligasidagi oʻyinlari bilan esda qoldi. „Liverpool“ga qarshi oʻyingacha "Olimpiko" stadionida birorta ham gol oʻtkazib yubormadi. 2018-yil 2-may kuni yarim finalda ular 4:2 hisobida gʻalaba qozonganiga qaramay, umumiy hisobda 7:6 hisobi bilan turnirdagi ishtirokini yakunlagan.

Liverpool

2018-yilning 19-iyul kuni „Liverpool“ Beckerni sotib olganini tasdiqladi. U 12-avgust kuni „Liverpool“ safida debyut qildi va "West Ham United FC"ga qarshi oʻyinda 4:0 hisobi bilan oʻz darvozasi daxlsizligini saqlab qoldi. Avgust oyida Becker Chempionlar Ligasi mavsumining eng yaxshi darvozaboni uchun nomzodlar roʻyxatiga kiritildi va yakunda 2-oʻrinni egalladi. 2019-yilgi FA Community Shieldda "Manchester City"ga qarshi maydonga tushdi va 1:1 hisobidagi durrangdan keyin penaltilar seriyasida 5:4 hisobi bilan „Manchester City“dan ustun keldi. 21-dekabr kuni Becker 2019-yilgi FIFA kulublar oʻrtasidagi JCH finalida „Flamengo“ga qarshi kechgan bahsda oʻz darvozasi daxlsizligini saqlab qoldi va ilk bor kulub ushbu kubokni qoʻlga kiritdi. 2020-yil 20-sentabrda "Chelsi" ustidan 2:0 hisobidagi gʻalaba qoʻlga kiritildi. 2021-yilda „Liverpool“ Becker bilan 2027-yilning yozigacha moʻljallangan yangi shartnomani imzoladi. 2022-yil 15-mayda Becker klubi bilan Angliya kubogi sohibi boʻldi. 2022-yil 16-oktabrda Becker Mohamed Salahning "Manchester City"ga urgan goliga assistentlik qildi.

Beckerning akasi Muriel ham darvozabon va u ham Internacional klubidan yetishib chiqqan. Uning otasi tomondan oilasi nemis millatiga mansub boʻlsa, onasi tomondan esa portugal millatiga mansubdir. Alisson italyan, portugal va ingliz tillarida gaplasha oladi. 2015-yilda braziliyalik shifokor Natalya Lengauer bilan turmush quradi. Ularning Xelena (2017-yil tugʻilgan) ismli qizi va Matteo (2019-yilda tugʻilgan) ismli oʻgʻli bor.