LEAKED: Rustam Minnixanov - Everything We Know

Rustam Minnikhanov
Рустам Минниханов Рөстәм Миңнеханов
Rasmiy surat (2020-yil)
2-Tatariston Respublikasi rahbari
Mansab davri 2010-yil 25-mart (2010-03-25)
Bosh vazir	Ravil Muratov (acting) Ildar Xalikov Aleksey Pesoshin
Avvalgisi	Mintimer Shaymiyev
Tatariston Bosh vaziri
Mansab davri 1998-yil 10-iyul – 2010-yil 25-mart
Avvalgisi	Mintimer Shaymiyev (vaqtincha)
Keyingisi	Ildar Xalikov
Tatariston moliya vaziri
Mansab davri 1996 – 1998-yil 10-iyul
Shaxsiy maʼlumotlari
Tavalludi	1-mart 1957-yil (1957-03-01) (69 yosh) Noviy Arish, Tatar ASSR, Rossiya SFSR, Sovet Ittifoqi
Fuqaroligi	Rossiya
Siyosiy partiyasi	Yagona Rossiya
Turmush oʻrtogʻi	Gulsina Minnixanova
Bolalari	2
Alma mater	Qozon qishloq xoʻjaligi instituti Sovet savdo institutining sirtqi bo‘limi (Moskva)

Rustam Nurgaliyevich Minnixanov^[a] (1957-yil 1-martda tugʻilgan) – rossiyalik siyosatchi, 2010-yildan buyon Rossiya Federatsiyasining subyekti hisoblangan Tatariston Respublikasi rahbari lavozimida faoliyat yuritib kelmoqda.

Rustam Minnixonov 1957-yil 1-martda Tatariston ASSRning Ribno-Slobodskiy tumanidagi Yangi Arish^[b] qishlogʻida Volga tatarlari oilasida dunyoga kelgan.

U 1978-yilda Qozondagi Qishloq xoʻjaligi institutini muhandis-mexanik sifatida, 1986-yilda esa Sovet savdosi sirtqi institutini tovarshunos mutaxassisligi boʻyicha tamomlagan. Rustam Minnixonov iqtisod fanlari doktori unvoniga ega^[1].

Minnixanov uylangan va ikki oʻgʻilning otasi^[1]. Uning oʻgʻli Irek Minnixanov 2013-yil 17-noyabrda Tatariston aviakompaniyasining 363-reysi halokatida vafot etgan^[2].

Minnixanov avtosportning ashaddiy muxlisi boʻlib, FIA Yevropa Rallycross chempionatining doimiy ishtirokchisi edi. 2007-yilda u 550 ot kuchidan ortiq quvvatga ega Citroën C4 T16 4x4 rusumli avtomobilni boshqargan. Bu avtomobilni 2006-yilda 14 karra Yevropa Rallycross chempioni shvetsiyalik Kennet Xansen qurgan va musobaqalarda haydagan edi. 2008 va 2009-yillardagi ERX seriyasi uchun Xansen jamoasi Minnixanov uchun butunlay yangi C4 rusumli avtomobilni yaratdi. Minnixanov 2002, 2003, 2004 va 2006-yillarda oʻzining Kamaz 4911 avtomobili bilan Birlashgan Arab Amirliklarida oʻtkazilgan UAE Desert Challenge (Rally Raid musobaqasi) yuk mashinalari toifasida gʻolib boʻlgan. Shuningdek, u 2004 va 2005-yillarda toʻrt gʻildirakli Ford Puma avtomobili bilan avtokross haydovchilari oʻrtasidagi FIA Yevropa chempionatida umumiy hisobda 3-oʻrinni egallagan.

Minnixanov vertolyot boshqarish uchun sertifikatga ega^[3].

Rossiyaning Ukrainaga bostirib kirishiga javoban, Amerika Qoʻshma Shtatlari Gʻaznachilik departamentining Xorijiy aktivlarni nazorat qilish boshqarmasi 2023-yil 26-yanvarda Minnixanovni Maxsus tayinlangan fuqarolar va taqiqlangan shaxslar roʻyxatiga kiritdi. Bu natijada uning aktivlari muzlatib qoʻyildi va AQSH fuqarolariga u bilan har qanday munosabatda boʻlish taqiqlandi^[4]. 2023-yil aprel oyida Kanada Rustam Minnixanovga va uning rafiqasiga nisbatan sanksiyalar joriy etgan^[5].

• 4-darajali „Vatanga xizmatlari uchun“ ordeni
• Doʻstlik ordeni
• „Sankt-Peterburgning 300 yilligi medali“
• „Qozonning 1000 yilligi xotirasiga“ medali
• „Favqulodda vaziyatlar oqibatlarini bartaraf etishdagi alohida xizmatlari uchun“ medali (FVV)
• „Tatariston Respublikasi oldidagi xizmatlari uchun“ ordeni
• Garaşsyzlyk ordeni (2021-yil)^[6]
• Doʻstlik ordeni (Ozarbayjon) (2024-yil)^[7]

• Vikiomborda „Rustam Minnikhanov“ mavzusi boʻyicha mediafayllar bor.