ANNOUNCED: Rafis Gilmanov | Tech Insider

Rafis Sagitovich Gilmanov (1963-yil 4-avgustda tugʻilgan^[1]) — sovet va turkman futbolchisi va murabbiyi. Futbolchilik faoliyati davomida hujumchi pozitsiyasida toʻp surgan Qozonning „Rubin“ jamoasida klub maʼmuri sifatida faoliyat yuritgan^[2].

Rafis 1983-yilgi mavsumda Ashxobodning „Lokomotiv“ havaskorlar jamoasi safida boshlagan. Mavsumning ikkinchi yarmida Turkmaniston SSRning bayroqdor jamoasi, „Kolxozchi“ (hozirda Kopetdag nomi ostida faoliyat yuritadi) Ashxobod klubi bilan shartnoma imzoladi. Ashxobodliklar jamoasi safida SSSR ikkinchi futbol ligasida 2 mavsum davomida toʻp surdi. 1985-yilgi mavsumda SSSR birinchi ligasida ishtirok etuvchi Oʻzbekiston SSRning „Zvezda“ Jizzax jamoasi safiga oʻtdi. Jizzaxliklar jamoasi tarkibida bir mavsum davomida harakat qilib 29 ta oʻyinda 3 ta gol kiritdi. 1986-yilgi mavsumda „Kolxozchi“ jamoasiga qaytdi va uch mavsum davomida klub sharafini himoya qildi. 1990-yilgi mavsum avvalida yana Oʻzbekiston SSR jamoasiga, bu safar Namanganning „Navbahor“ klubi safiga borib qoʻshildi. „Navbahor“ jamoasi 1990-yilgi mavsumda SSSR Ikkinchi ligasida toʻp surib yakunda SSSR Birinchi ligasi yoʻllanmasini qoʻlga kiritdi. Rafis Namangan jamoasining bu yutugʻiga 41 ta oʻyinda 7 ta goli bilan hissa qoʻshdi. 1991-yilgi mavsumda yana „Kopetdag“ jamoasi safiga qaytdi va faoliyatini yakuniga qadar Ashxobod jamoasi tarkibida toʻp surdi.

Turkmaniston terma jamoasi safida 1992-yilda Markaziy Osiyo kubogi bahslarida ishtirok etgan. U ilk debyut uchrashuvini 1992-yil 1-iyun kuni Qozogʻiston jamoasiga qarshi o‘tkazdi va ikkinchi bo‘limda maydonga tushdi.

2003-yildan Qozonning „Rubin“ klubida avval zaxira menejeri, keyin esa asosiy jamoa maʼmuri (2006-yildan) sifatida ishlagan.

Mavsum	Klub	Liga	Chempionat
			Oʻyinlar	Gollar
1982	Kolxozchi	Ikkinchi liga	?	?
1983	Kolxozchi	Ikkinchi liga	9	0
1984	Kolxozchi	Ikkinchi liga	31	6
1985	Yulduz (Jizzax)	Birinchi liga	29	3
1986	Kopetdag	Ikkinchi liga	22	7
1987	Kopetdag	Ikkinchi liga	25	9
1988	Kopetdag	Ikkinchi liga	33	16
1989	Kopetdag	Ikkinchi liga	25	9
1990	Navbahor	Ikkinchi liga	41	7
1991	Kopetdag	Ikkinchi liga	36	10
1992	Kopetdag	Oliy liga	?	?
1993	Kopetdag	Oliy liga	?	?
1994	Kopetdag	Oliy liga	?	?
1995	Kopetdag	Oliy liga	?	?

• Kopetdag futbolchisi sifatida Turkmanistonning koʻp karra chempioni (1992-1995).
• Turkmaniston kubogi sohibi: 1993

• Rubin veb-saytidagi profil
• Profil FootballFacts.ru saytidagi
• Rafis Gilmanov National-Football-Teams.com saytida