JUST IN: O%CA%BBtkir Roziqov - The Verge Report
| Oʻtkir Abdulloyevich Roziqov | |
|---|---|
| Tavalludi |
20-may 1970-yil Buxoro tumani, Buxoro viloyati, OʻzSSR |
| Fuqaroligi |
 SSSR Oʻzbekiston |
| Millati | oʻzbek |
| Sohasi | matematika |
| Ish joylari | Oʻzbekiston Respublikasi Fanlar akademiyasining Matematika instituti |
| Taʼlimi | Samarqand davlat universiteti |
| Mashhur ishlari | statistik mexanika va voyaga yetgan populyatsiyalar evolyutsion algebralarida Gibbs holatlari nazariyasi |
| Mukofotlari |
 |
Oʻtkir Abdulloyevich Roziqov (1970-yil 20-may, Buxoro tumani) – matematik olim, Oʻzbekiston Fanlar akademiyasi akademigi (2023)[1], fizika-matematika fanlari doktori (2001), professor. Butunjahon fanlar akademiyasi aʼzosi (2018)[2][3]. Samarqand davlat universitetini tugatgan (1993). V. I. Romanovskiy nomidagi Matematika instituti ilm-fan boʻyicha direktor oʻrinbosari. Asosiy ilmiy ishlari Matematik analiz, algebra va ehtimollar nazariyasining zamonaviy usullari bilan fizik va biologik sistemalarning termodinamikasi va dinamikasi nazariyalarini tabiiy fanlarda qoʻllashga oid[3].
Tarjimai holi
[tahrir | manbasini tahrirlash]Oʻtkir Roziqov 1970-yil Buxoro viloyati Buxoro tumanida tugʻilgan. 1993-yil Samarqand davlat universiteti matematik tahlil fakultetini tamomlagan. 1995-yilda nomzodlik dissertatsiyasini (PhD) yoqlagan. Oʻzbekiston Respublikasi Fanlar akademiyasi V. I. Romanovskiy nomidagi Matematika institutida avval aspiranturani soʻngra doktoranturani bitirgan. 2001-yilda fizika-matematika fanlari doktori unvonini olgan. Professor Oʻtkir Roziqov institutda 2001-yildan buyon yetakchi ilmiy xodim lavozimida ishlab kelmoqda[3].
Ilmiy ishlari
[tahrir | manbasini tahrirlash]Oʻtkir Roziqov termodinamikani matematik biologiyaga kiritish maqsadida statistik mexanika va voyaga yetgan populyatsiyalar evolyutsion algebralarida Gibbs holatlari nazariyasiga katta hissa qoʻshgan. R-adik dinamik tizimlar va r-adik taqsimlashlarni oʻrganish gʻoyasini ilgari surgan[2].
Oʻ.Roziqovning chop etgan ilmiy ishlari soni 250 dan koʻp (jumladan, chet elning nufuzli jurnallarida 145 ta). Shuningdek, Roziqovning 4 ta kitobi hozirgi kunda dunyoning 200 dan ortiq universitetlari kutubxonalaridan oʻrin olgan[4]. Olingan natijalari xalqaro miqyosda yuqori baholangani bois Oʻ.Roziqov 20 dan ortiq yetakchi xalqaro universitet va ilmiy markazlar bilan hamkorlik aloqalarini yoʻlga qoʻygan[3].
Oʻ.Roziqov ilmiy rahbarligida 8 ta fan nomzodi va 1 ta fan doktori dissertatsiyalari himoya qilingan, bugungi kunda shogirdlari orasidan 3 tasi PhD va 2 tasi fan doktori ilmiy darajalarini olishga tayyorlanmoqda[3].
Google Scholar maʼlumotiga koʻra Oʻ.Roziqovning ishlariga 3071 ta iqtiboslik qilingan va h-index =30[4].
Maqolalari
[tahrir | manbasini tahrirlash]Chet eldagi birinchi maqolasi 1997-yilda chiqqan. 1997—2020-yillarda 135 ta maqolasi chet el jurnallarida chop etilgan[5].
- Rozikov U. A. Tree-hierarchy of DNA and distribution of Holliday junctions. Jour. Math. Biology, 2017. V.75, No.6, p.1715-1733
- Rozikov U. A. Gibbs measures in biology and physics: The Potts model. World Sci. Publ. Singapore. 2022, 368 pp.
- Rozikov U. A. Population dynamics: algebraic and probabilistic approach. World Sci. Publ. Singapore. 2020, 460 pp.
- Rozikov U. A. An introduction to mathematical billiards. World Sci. Publ. Singapore. 2019, 224 pp.
- Ibragimov Z., Levenberg N., Rozikov U., Sadullaev A. (Eds). Algebra, Complex Analysis, and Pluripotential Theory. Springer Proceedings in Mathematics and Statistics. 2018, V. 264, Springer Nature Switzerland.
- Rozikov U. A. Gibbs measures on Cayley trees. World Sci. Publ. Singapore. 2013, 404 pp.
Mukofotlari va unvonlari
[tahrir | manbasini tahrirlash]Niderlandiyaning Elsevier nashriyoti hamda Stanford universiteti tomonidan dunyoning 2% TOP olimlari roʻyxatidan oʻrin olgan[6].
- Yosh olimlar uchun TWAS mukofoti[2]
- „Oʻzbekiston belgisi“ medali[2]
- „Ajoyib oʻqituvchi“ mukofoti[2]
- Oʻzbekiston Respublikasi Xalq taʼlimi aʼlochisi nishoni (2003)[3]
- Oʻzbekiston Respublikasining 1-darajali Davlat mukofoti (2017) („Noassotsiativ algebralar, differensiallash va nochiziqli dinamik sistemalar nazariyalarini rivojlantirish“ fundamental tadqiqoti uchun, Shavkat Ayupov, Karimbergen Kudaybergenov, Bahrom Omirovlar bilan birgalikda)[7][3]
- „Springer Nature Top Author“ xalqaro mukofoti (2017)[3]
- Yaponiyaning Toshkentdagi elchixonasi mukofoti (1995)[3]
- Oʻzbekiston Fanlar akademiyasi va Butunjahon fanlar akademiyasi (TWAS) muassisligidagi yosh olimlar uchun xalqaro mukofoti (1995, 2000, 2001, 2009-yillar)[3]
- IHT Ilmiy va texnikaviy hamkorlik qoʻmitasining (ITHQ) matematika sohasida eng yaxshi ilmiy maqola (2019)[4]
Fikrlari
[tahrir | manbasini tahrirlash]2020-yil Kun.uz nashri bilan suhbatda professor Oʻtkir Roziqov tadqiqotchilarning ijod erkinligi chegaralgani, ilmiy-tadqiqotlar va oliy taʼlim tizimidagi ortiqcha byurokratiya hamda olimlar uchun yetarli maosh berilmay kelinganini tanqid qildi[5].
Manbalar
[tahrir | manbasini tahrirlash]- ↑ „O‘zbekiston Respublikasi Fanlar akademiyasining haqiqiy a’zolarini tasdiqlash to‘g‘risida“. president.uz. Toshkent: Oʻzbekiston Respublikasi Prezidenti matbuot xizmati (2023-yil 23-dekabr). Qaraldi: 4-noyabr 2024-yil.
- ↑ 2,0 2,1 2,2 2,3 2,4 „O‘zbek olimi Butunjahon fanlar akademiyasi a'zosiga aylandi“. Kun.uz. Web Expert (2018-yil 2-fevral). Qaraldi: 4-noyabr 2024-yil.
- ↑ 3,00 3,01 3,02 3,03 3,04 3,05 3,06 3,07 3,08 3,09 „O‘zbekistonlik olim Butunjahon Fanlar akademiyasi a’zosi etib saylandi“. O‘zbekistonning Hindistondagi elchixonasi (2018-yil 3-fevral). Qaraldi: 4-noyabr 2024-yil.
- ↑ 4,0 4,1 4,2 „O‘zbekistonlik matematik — xalqaro mukofot sovrindori“. Xabar.uz. Xabar gazetasi (2020-yil 26-sentyabr). Qaraldi: 4-noyabr 2024-yil.
- ↑ 5,0 5,1 Mahmudov, Yigitali. „«O‘zbek matematika maktabi ikki narsani boy berdi» – professor O‘tkir Roziqov bilan suhbat“. Kun.uz. Web Expert (2020-yil 14-fevral). Qaraldi: 4-noyabr 2024-yil.
- ↑ „O'zbekiston vakili dunyoning eng salohiyatli olimlari ro'yxatidan o'rin oldi“. yuz.uz. Yangi Oʻzbekiston gazetasi (2021-yil 11-noyabr). Qaraldi: 4-noyabr 2024-yil.
- ↑ „O‘zbek matematigi Butunjahon fanlar akademiyasi a’zosi bo‘ldi“. Xabar.uz. Xabar gazetasi (2018-yil 2-fevral). Qaraldi: 4-noyabr 2024-yil.