VIRAL: Arsen Avakov | Tech News Today

Vikipediya, erkin ensiklopediya
(Arsen Avakovdan yoʻnaltirildi)
Arsen Avakov
Shaxsiy maʼlumot
Toʻliq ismi Arsen Georgievich Avakov
Tavallud sanasi 28-may 1971-yil (1971-05-28) (54 yosh)
Tavallud joyi Dushanbe, Tojikiston SSR, Soviet Union
Boʻyi 1.85 m (6 ft 1 in)
Ampluasi Strayker
Professional faoliyati*
Yillar Jamoa Isht. (Gol.)
1988—1992 Pomir Dushanbe 7 (0)
1992—1994 Temp Shepetivka 48 (7)
1994—1996 Torpedo Zaporijjia 48 (25)
1996—1997 Torpedo Lujniki 25 (6)
1996 →  Torpedo-Lujniki-d 5 (8)
1997 Shinnik Yaroslavl 17 (4)
1996—1997 Torpedo Lujniki 23 (5)
1996 →  Torpedo-Lujniki-d 2 (1)
1999 Lokomotiv Nijniy Novgorod 28 (13)
1996—1997 Torpedo Lujniki 23 (3)
2001—2002 Uralan Elista 53 (16)
Total 278 (84)
Milliy terma jamoa
1992—1999 Tojikiston[1] 10 (5)
Boshqargan klublari
2014—2018 TSK Simferopol (jamoa boshligʻi)
*Professional klublardagi gollari (ichki chempionat)

Arsen Georgiyevich Avakov (1971-yil 28-mayda Dushanbeda tugʻilgan) – sovet, tojik va rossiyalik sobiq professional futbolchi, himoyachi[2][3] va hujumchi pozitsiyalarida oʻynagan. Avakov Tojikiston milliy terma jamoasi safida ham toʻp tepgan.

Futbolchilik faoliyati

[tahrir | manbasini tahrirlash]

Arsen Dushanbedagi futbol maktabining tarbiyalanuvchisi hisoblanadi. Uning futboldagi birinchi murabbiysi Stepan Konstantinovich Burlachko hisoblanadi[2]. Futbolcchilik faoliyatining dastlablik davrlarida „Pomir“ klubining oʻrinbosarlar jamoasida, keyinchalik asosiy tarkibda oʻynagan. 1991-yilda SSSRning soʻnggi chempionatining oliy ligasida yetti oʻyin oʻtkazgan. 1992-yil Moskvada soʻngi bor oʻtkazilgan SSSR/MDH kubogining yarim final uchrashuvida CSKA Moskva klubiga qarshi oʻyinda ishtirok etgan[4][5].

Tojikiston mustaqilligining ilk yillaridagi harbiy vaziyat tufayli „Pomir“ futbolchilarining katta qismi Rossiyaga yoʻl olgan vaqtida, Arsen Moskvaning „Lokomotiv“ jamoasi tavsiyasi orqali Ukraina jamoasiga oʻtgan[6]. Uni dastlab Lokomotiv jamoasiga Yuriy Syomin taklif qilgan. SSSR parchalanishi natijasida boshqa respublikalardan kelgan oʻyinchilar yetarli edi, shu bois Avakov oʻsha paytda Moskvada boʻlgan Shepetovkaning „Temp“ klubi prezidenti Jumber Nishnianidzega tavsiya etilgan[7].

Arsen „Pomir“ klubida oʻynagan davrida himoyachi pozitsiyasida oʻynab kelgan, chunki hujum chizigʻidagi kuchli raqobat tufayli mudofaaga oʻtkazilgandi. „Temp“ jamoasida Leonid Tkachenko hujumchilar yetishmasligi sababli uni hujum chizigʻiga koʻchirgan boʻlsa-da, Avakovning oʻz soʻzlariga koʻra, u himoyada oʻynashni maʼqul koʻrardi[8]. Zaporijjyadagi „Torpedo“ jamoasiga oʻtgach, oʻng qanot himoyachisi sifatida oʻynagan (bu uning shartlaridan biri edi). 1994/95-yilgi chempionatning dastlabki 7 turida himoyada oʻynagan, ammo keyinchalik murabbiy Igor Nadein uni hujumchi pozitsiyasiga oʻtkazgan[9][10]. Oʻsha mavsum yakunida Avakov 21 ta gol urib, Ukraina chempionatining eng samarali toʻpurari boʻlgan.

1996-yil qishida Moskvaning „Torpedo“ jamoasiga oʻtgan, ammo iyulgacha oʻynamagan: klublar oʻrtasidagi transfer summasi boʻyicha kelishmovchiliklar tufayli uni yarim yil davomida qaydnomaga kiritib boʻlmagan. Arsen „Spartak“ jamoasi oʻtish taklifini olgan, biroq rad etgan. Buning sababini uni „Torpedo“ga taklif qilgan Valentin Ivanovga bergan soʻzi bilan tushuntirgan[11][12]. Keyingi yili u asosiy tarkibga kamdan-kam kiritila boshlagan. Janubiy Koreyaga mahalliy klublardan biriga sinov oʻyinlarida ishtirok etish uchun borgan, ammo klub bilan kelishuvga erisha olmagan[13]. 1997-yil yozida Yaroslavlning „Shinnik“ jamoasiga oʻtgan, biroq keyingi mavsumni yana Moskvaning „Torpedo“ jamoasida boshlagan.

1999-yilgi mavsumda Nijniy Novgorodning „Lokomotiv“ jamoasida oʻynab, chempionatda 13 ta gol urishga erishgan. 2000-yilgi mavsumda yana „Torpedo“ klubiga qaytgan. 2001—2002-yillarda Elistaning „Uralan“ jamoasida toʻp surgan. 2001-yilgi mavsumda birinchi divizionda 13 ta gol kiritishga erishgan[14].

1997-yilgi Intertoto kubogining uchta oʻyinida va 2000/01-yilgi UEFA kubogining bitta uchrashuvida maydonga tushgan.

Terma jamoadagi faoliyati

[tahrir | manbasini tahrirlash]

1992—1999-yillarda Tojikiston terma jamoasi tarkibida oʻynagan. 1998-yilgi Osiyo oʻyinlari musobaqasida ishtirok etgan.

Futboldan keyingi faoliyati

[tahrir | manbasini tahrirlash]

Futbolchilik faoliyatini tugatgach oilasi bilan Moskvaga koʻchib oʻtgan. Arsen futboldagi yosh iqtidorlarini oʻzini koʻrsatishida yordamlashgan[15], futbolchilarga hizmat koʻrsatuvchi agent sifatida ish olib borgan.

2015-yilda Simferopolning „TSK-Tavriya“ jamoasida bosh menejer lavozimida faoliyat yuritgan[16]. Matbuotda uni tez-tez boshqa inson, Ukrainaning Xarkov viloyati gubernatori boʻlgan Arsen Avakov bilan adashtirib yuborishadi[17].

Faoliyat statistikasi

[tahrir | manbasini tahrirlash]

Terma jamoadagi statistikasi

[tahrir | manbasini tahrirlash]

Terma jamoadagi gollari

[tahrir | manbasini tahrirlash]

Statistika 1997-yil 22-iyunga oid[18]

№ Sana Stadion Raqib Hison Natija Musobaqa
1. 1996-yil 8-may Markaziy stadion, Dushanbe, Tojikiston  Oʻzbekiston 4–0 4–0 1996-yilgi Osiyo Kubogi saralashi
2. 1997-yil 1-iyun Thống Nhất stadioni, Xoshimin, Vyetnam  Vyetnam 0–3 0–4 1998-yilgi FIFA Jahon chempionati saralashi
3. 1997-yil 22-iyun Markaziy stadion, Dushanbe, Tojikiston  Turkmaniston 1–0 5–0
4. 3–0
5. 4–0

Yutuqlar

[tahrir | manbasini tahrirlash]

Jamoaviy

[tahrir | manbasini tahrirlash]
  • Tojikiston Oliy ligasi chempioni: 1992-yil
  • Tojikiston kubogi gʻolibi: 1992-yil
  • Rossiya chempionatining bronza medali sovrindori: 2000-yil
  • Rossiyaning birinchi divizioni gʻolibi: 2001-yil
  • Ukraina birinchi ligasining kumush medali sovrindori: 1992/93-yil

Shaxsiy

[tahrir | manbasini tahrirlash]
  • Ukraina chempionatining eng yaxshi toʻpurari: 1994/95-yil
  • „Ikkinchi nafas“ mukofoti sohibi: 1999-yil[19]

Manbalar

[tahrir | manbasini tahrirlash]
  1. ↑ Arsen Avakov National-Football-Teams.com saytida
  2. ↑ 2,0 2,1 Yejenedelnik „Futbol“, № 28/1996, str. 12—13 – Arsen Avakov: „Slyoz nikto ne sderjival“
  3. ↑ „Арсен Аваков: «В двигатель самолёта залетела птица. Вопль Иванова спас команду от верной смерти»“ (ru). 2019-yil 2-yanvarda asl nusxadan arxivlangan. Qaraldi: 2019-yil 1-yanvar.
  4. ↑ „ЦСКА Москва — «Памир» Душанбе, 16.04.1992“ (ru). 2019-yil 2-yanvarda asl nusxadan arxivlangan. Qaraldi: 2019-yil 1-yanvar.
  5. ↑ Yejenedelnik „Futbol“, № 16/1992, str. 4
  6. ↑ Yejenedelnik „Futbol“ (Ukraina), № 4/2015, str. 14—17 – Leonid Tkachenko: „Obojayu Ukrainu!“
  7. ↑ „Арсен Аваков: «В двигатель самолёта залетела птица. Вопль Иванова спас команду от верной смерти»“ (ru). 2019-yil 2-yanvarda asl nusxadan arxivlangan. Qaraldi: 2019-yil 1-yanvar.
  8. ↑ Yejenedelnik „Futbol“, № 28/1996, str. 12—13 – Arsen Avakov: „Slyoz nikto ne sderjival“
  9. ↑ Yejenedelnik „Futbol“, № 28/1996, str. 12—13 – Arsen Avakov: „Slyoz nikto ne sderjival“
  10. ↑ „Арсен Аваков: «В двигатель самолёта залетела птица. Вопль Иванова спас команду от верной смерти»“ (ru). 2019-yil 2-yanvarda asl nusxadan arxivlangan. Qaraldi: 2019-yil 1-yanvar.
  11. ↑ Yejenedelnik „Futbol“, № 28/1996, str. 12—13 – Arsen Avakov: „Slyoz nikto ne sderjival“
  12. ↑ „Арсен Аваков: «В двигатель самолёта залетела птица. Вопль Иванова спас команду от верной смерти»“ (ru). 2019-yil 2-yanvarda asl nusxadan arxivlangan. Qaraldi: 2019-yil 1-yanvar.
  13. ↑ Vladimir Leonchenko i Arsen Avakov: „I chego ot nas xoteli v Koree?“ Wayback Machinedagi asl nusxadan arxivlangan arxiv nusxasi. (2-yanvar 2019-yil), „Спорт-Экспресс“, 19.07.1997
  14. ↑ Arsen Avakov FootballFacts.ru saytida (ruscha) Buni Vikimaʼlumotlarda tahrirlash
  15. ↑ UA-Futbol. Arsen Avakov: „Ya skuchayu po Zaporojyu“
  16. ↑ Viktor Xoxlyuk: „Nashi futbolnie legendi. Goleadori bivshego SSSR v futbolnix bitvax zarubejya“. – Москва. – 2018. – str. 41. ISBN 978-5-604-10716-4.
  17. ↑ ATN : Agentstvo televideniya novosti :: Jurnalistskie lyapi[sayt ishlamaydi]
  18. ↑ „Tajikistan International Matches - Details 1992-1999“. 2007-yil 15-dekabrda asl nusxadan arxivlangan. Qaraldi: 2007-yil 3-noyabr.
  19. ↑ Yejenedelnik „Futbol“, № 47 (2057), 20 – 26 noyabrya 1999, str. 7 – „Vtoroe dixanie“. Arsen Avakov

Havolalar

[tahrir | manbasini tahrirlash]
"https://techyes.pages.dev/record-https-uz.wikipedia.org/w/index.php?title=Arsen_Avakov_(futbolchi)&oldid=5516965" dan olindi