JUST IN: Akobir Adhamov - What You Need To Know

Vikipediyada ismi Akobir va familiyasi Adhamov boʻlgan boshqa kishilar haqida ham maqolalar mavjud.

Akobir Adhamov
Tavalludi	4-sentyabr 1928-yil Samarqand, Samarqand okrugi, Oʻzbekiston SSR, SSSR
Vafoti	12-noyabr 1993-yil(1993-11-12) (65 yoshda) Dushanbe, Tojikiston
Fuqaroligi	SSSR
Sohasi	Fizika
Ish joylari	Tojikiston fanlar akademiyasi
Taʼlimi	Alisher Navoiy nomidagi Oʻzbekiston davlat universiteti
Mashhur shogirdlari	Saidmuhammad Odinayev
Mukofotlari

Akobir Adhamov (1928-yil 4-sentyabr, Samarqand, Oʻzbekiston SSR, SSSR – 1993-yil 12-noyabr, Dushanbe, Tojikiston) – fizik, Tojikiston fanlar akademiyasi akademigi, fizika-matematika fanlari doktori, professor^[1][2].

Akobir Adhamov 1928-yil 4-sentyabr kuni Oʻzbekiston SSRga qarashli boʻlgan Samarqand viloyatida tugʻilgan. U 1949-yil Samarqand davlat universitetining fizika-matematika fakultetini tamomlagan. 1953-yil esa Moskva davlat universitetini tugatgan. Akobir Adhamov 1954-yildan 1965-yilgacha Tojikiston davlat universitetining fizika-matematika fakultetida katta oʻqituvchi sifatida faoliyat olib borgan. 1965-yildan 1966-yilgacha Tojikiston milliy universitetining ilmiy ishlar boʻyicha prorektori boʻlgan. 1966-yildan 1968-yilgacha Tojikiston fanlar akademiyasi huzuridagi fizika institutida direktor sifatida faoliyatini davom ettirgan. Akobir Adhamov 1976-yildan 1984-yilgacha Tojikiston fanlar akademiyasi huzuridagi kimyo akademiyasini boshqargan^[3].

Akobir Adhamov SSSR Fanlar akademiyasining ultratovush muammolari boʻyicha tuzilgan ilmiy kengash aʼzosi edi. Shu bilan birgalikda, Tojikiston fanlar akademiyasining amaliy muammolar boʻyicha tuzilgan ilmiy kengash raisi boʻlgan. U „Sovet-tojik ensiklopediyasi“ ilmiy tahririyati bosh kotibi edi.

Akobir Adhamov fizika fanidan 1954-yilda nomzodlik dissertatsiyasini, 1964-yilda esa doktorlik dissertatsiyasini himoya qilgan. U Tojikiston davlat universitetida kvant elektronikasi, ultratovushning suyuqliklarda tarqalishi, elastik moddalarning kinetik nazariyasi hamda potensial energiyani aniqlash boʻyicha izlanishlar olib borgan. Akobir Adhamov 100 ga yaqin ilmiy ishlar va maqolalar muallifidir.

Akobir Adhamov „Shon-sharaf ordeni“, „Lenin ordeni“, „Mehnat faxriysi“ ordenlari va yana bir qancha mukofotlari bilan taqdirlangan.