TRENDING: Abbas V%C9%99fada%C4%9Fl%C4%B1 - Full Coverage

Bu məqaləni vikiləşdirmək lazımdır. Lütfən, məqaləni ümumvikipediya və redaktə qaydalarına uyğun şəkildə tərtib edin.

Bu məqalədə heç bir məlumatın mənbəsi göstərilməmişdir. Lütfən, etibarlı mənbələr əlavə etməklə məqaləni təkmilləşdirməyə kömək edin. Qərəz yaradan mənbəsiz hissələr müzakirəsiz silinə bilər.

Abbas Vəfadağlı
Abbas Əli oğlu Mazanov
Doğum tarixi	19 mart 1929(1929-03-19)
Doğum yeri	Cil, Yeni Bəyazid qəzası, Ermənistan SSR, ZSFSR, SSRİ
Vəfat tarixi	13 mart 2026(2026-03-13) (96 yaşında)
Vəfat yeri	Bakı, Azərbaycan
Dəfn yeri	Buzovna
Həyat yoldaşı	Dilbər Mazanova
Uşaqları	İlham Mazanlı İlqar Mazanov İman Mazanov Vüqar Mazanov Qoşqar Mazanov Gülbəs Qasımova Sürrayə İsmayılova Minayə İsmayılova
Təhsili	Qazax Müəllimlər Seminariyası (1946–1950), Bakı Ali Partiya Məktəbi
Fəaliyyəti	yazıçı
Mükafatları
Vikianbarda əlaqəli mediafayllar

Abbas Əli oğlu Mazanov (ədəbi adı: Abbas Vəfadağlı; 19 mart 1929, Cil, Yeni Bəyazid qəzası – 13 mart 2026, Bakı) — Azərbaycanlı ictimai xadim, Krasnoselo rayon İcraiyyə Komitəsinin sədri, şair, yazıçı, tədqiqatçı, istehsalat qabaqcılı.

Abbas Vəfadağlı 1929-cu il martın 19-da Qərbi Azərbaycanda, Göyçə mahalının Cil kəndində anadan olmuşdur. Burada yeddiillik məktəbi bitirdikdən sonra sıravi kolxozçu kimi işləmişdir (1943–1946). 1946-cı "1941/45-ci ili şərəfli əməyə görə" medalı ilə təltif edilmişdir.^[1]

Qazax Pedaqoji Texnikumunu fərqlənmə diplomu ilə başa vurmuşdur (1946–1950). Texnikumu bitirib qonşu Pəmbək kənd orta məktəbində müəllim işləmişdir. Ordu sıralarında hərbi xidməti borcunu yerinə yetirmişdir. Krasnoselo rayonunun Cil kənd yeddiillik məktəbində müəllim işləmişdir (1952–1955). Sonra Krasnoselo rayon Komsomol Komitəsinə katib seçilmişdir (1955–1958), Bakı Ali Partiya məktəbində təhsilini davam etdirmişdir (1958–1962).

Doğma Cil kəndində kolxoz sədri (1962–1975), Krasnoselo rayon İcraiyyə Komitəsinin sədri (1975–1983), Cil kənd sovxozunda direktor (1983–1988) işləmişdir. Azərbaycanlılar ellikcə Azərbaycanın Xanlar rayonunun Şəhriyar kəndinə köçdükdən sonra isə orada kənd sovet sədri, Çaykənd kəndində kolxoz sədri (1991–1993), Şəhriyar kəndində sovxoz direktoru (1994), Xanlar rayonunda Kənd Təsərrüfatı İstehsalat İdarəsində rəis müavini olmuşdur (1994–1998).

Hazırda fərdi yaradıcılıqla məşğuldur.

Ailəlidir. 8 övladı var.

• General-mayor İlqar Mazanovun atasıdır.

Bədii yaradıcılığa kiçik yaşlarından başlamışdır. İlk mətbu şeiri "Arzular" 1965-ci ildə "Sovet Ermənistanı" qəzetində çıxmışdır. Bundan sonra dövri mətbuatda şeir, oçerk və məqalələrlə çıxış etmişdir. İlk qələm təcrübələrini Abbas Mazanov imzası ilə dərc etdirmişdir. 60-cı illərdən Vəfadağlı təxəllüsünü qəbul etmişdir.

19 mart 2019-cu ildə 90 illik yubileyi keçirilmişdir.^[2]

1. "Göyçə kimi intizarda elim var", Bakı, "Gənclik" nəşriyyatı, 1999.
2. "Gözləri həsrətli, naləli Göyçə", Bakı, 2009
3. "Ulu Göyçəm", Bakı, "Renessans" Nəşriyyat Evi, 2017 – 384 səh.

1. "Göyçə qətliamı", "Ülfət" qəzeti, 2 aprel 2004-cü il.
2. "Ustad", "Folklor və Etnoqrafiya" jurnalı, № 4, 2010-cu il. səh.48–51.
3. "Aşıq Alı sorağında", Dünya qəzeti. 19 mart 2011-ci il. № 34–35.
4. "Azərbaycan Aşıqlar Birliyi: Ozan dünyası. №3(6)" (az.). "Ozan dünyası" jurnalı. 2011. 22 aprel 2016 tarixində orijinalından arxivləşdirilib. İstifadə tarixi: 14 iyun 2018.